”محصول ۽ واپاريءَ بابت معاهدي“ (GATT) جي سرپرستيءَ ۾ گهڻ- رخي محصول بابت 1947ع کان ٿيندڙ مذاڪرات جي ڇهين اجلاس کي، ”ڪينيڊي رائونڊ“ جي نالي سان سڏيو ويندو آهي. اهي مذاڪرات مئي 1964ع کان 1965ع تائين جاري رهيا، جنهن ۾ ”يورپي برادريءَ“ هڪ ايڪي جي حيثيت ۾ 53 ٻين ملڪن جي نمائيندن شرڪت ڪئي. جيتوڻيڪ مذاڪرات جي ان دؤر کي، تڏهوڪي آمريڪي صدر جان – ايف ڪينيڊي پنهنجي نالي پٺيان سڃاڻپ ڏني، پر ان دوران سندس قتل ٿيڻ باوجود اها سڃاڻپ برقرار رکي وئي. ڳالهين جي ان دور ذريعي پهريون دفعو محصولن ۾ چڱي چوکي گهٽتائي آندي وئي، ڇاڪاڻ جو اجلاس ۾ ايجنڊا جي هر اسم تي تفصيلي بحث ڪندي چٽا فيصلا ڪيا ويا. خاص ڪري صنعتي محصولن ۾ گهٽتائي آڻي انهن کي 35 سيڪڙي تائين محدود ڪيو ويو ۽ ان ڏس ۾ سڀني ڌرين کي 1968ع کان 1972ع جي مُدي تائين فيصلي ڪرڻ لاءِ پابند ڪيو ويو. آمريڪي صدر ڪينيڊي هن مذاڪرات جي ان آخري سلسلي ۾ شامل رهيو، جنهن ۾ اسريل دنيا جي ملڪن جي سهڪار سان واپار بابت بنيادي ايجنڊا طئه ڪئي وئي. هن مذاڪرات دوران ئي ٽين دنيا طرفان اختيار ڪيل محصولن بابت سندن موقف کي ٻڌو ويو. البت NTBs جي معاملي کي حل نه ڪرڻ ۽ زراعت جي مسئلي تي چٽا فيصلا نه ڪرڻ جي حوالي سان انهن مذاڪرات تي سخت تنقيد به ٿي،